Purani kitaboo ki dhul jhad rahi thi,
Tabhi ek notebook mil gai,
usko khola toh laga jaise, yadoo ka dibba khol kar baith gai thi,
aur unn masoom dino mein kahi kho gai,
bachan ki wo cursive likhne ki khub koshish ko yaad kar rahi thi,
ek beete aarse ki drawings bhi neeharti gai,
kya din the wo bhi khushi ke jinmein thi,
sirf mummy se aloo ke partho ki zid,
aaj iss notebook ko dekh kar laga kitni aage badh gai,
kamiyabiyan sari jo bachpan mein thi sab bhul gai,
unhe nazar andaz sa karti gai,
chote chote mukaam jinhe haasil kar liya unko bhulati gai,
jaise proper crusive likhna, line ke andar rang bharna,
ye purani si notebook aaj bahut kuch sikha gai,
bachapan ka ek aaks se milwa gai,
chooti chooti kamiyabiyon ki izzat karna bata gai…
